Kohima nung nisung ka dak akah

Kohima, Nov 10 (TYO): Tanü Brehostibar nü Kohima nung anüngdang 11:00 ako shi nung mejangjatetba nisung kari FGN nung inyaker nisung ka dak akha saka mesüi kümzüka lir.
Pa ya Manipur state nung Tamenlong district kübok Noney yimtsüng nungi arishi küm 37 tain nisung ka tenüng agi Kadingai Rongmei liasü. Iba lendong atalokba mapang pa ya Mission Compound nung dokan ka nung mena lia pa tonga arua chitepa yur khaloktsü ta angazüker. Iba lendong atalokli pa mozü kidangi anir ao aser iba osang zülu tashi nung pa kanga mejungi yirur mozü kidang ICU nung liasü. Pa dak akhaba injangji teku tabelenlen nungi tepokbok ateta tesülen nungi tuguba zübo liasü.
Iba lendong atalokba tesem nung police-i 9mm pistol nung amshiba injang terep ka angu. Nisung dak akhasangji aputsü atema mitkartemi bushisüngdang mapa tenzükogo.