Kohima nung nisung külakoktsüba shileper ka apu

Dimapur, April 8 (TYO) : April 7, 2016 nü 9 NAP (IR) police telok kati ‘T’ Khel Market, BOC Kohima nung ozüng alema shileper ka apu, ta Sub-Divisional Police Officer & Kohima sangdong ka nung metetdaktsü.
Shileper jagi seret oudangba tim mesüi amshia talirtem ashioktsüba atema tai tongloka apu. Pa ya Chhapra, Bihar nungi Suidhar Sah’er jabaso Bombhola Sah ta jangjaogo. Pa ya tang NGO Market, Kohima nung telidak lir aser iba dak sendakba nung Kohima South Police Station nung ken o ka benokogo, ta Kohima Police sangdong nungsa metetdaktsü.