Kohima nung nisungpur 4 apu

Dimapur, August 04 (TYO) : August 03, 2015 nü Kohima jila nung senso tajung kati North P.S Kohima nung par mapa inyaker ka mejangjatetba nisung kari pur aoba ken o benok.
Pai ashiba agi, nisungpurtem jagi pur aosangji chioktsü atema phone ajanga sen meyirjang 50 meshir, ta Sub-Divisional Police Officer & PRO Kohima-i sangdong ka nung metetdaktsü.
Iba osang angazükba sülen police telok kati nisungpurtem aputsü atema sentong ka renem aser parnoki sen bener aoba nisung den külemi orr nisungpurtemji apu.
Nisungpur rongnung Yekuto (Kevika Achumi)-i police dang ashiba agi, parnoki Jail colony Kohima nungi High school area tashi local taxi ka hire asü.
Yekuto ya Phuyeto yimer Tokiho Achumi’er jabaso lir aser pa Potterlane, Kohima nung telidak lir. Pai GREF Camp area Kohima anasa nungi aayanger ana apu aser iba sülen par medemer Avito Achumi aja aser tenati local taxi ka nung Arudura Forest-i aayanger anaji anir ao, ta Kohima Police sangdong nungsa shia lir.
Avito ya Lotisami yimer Visheto’er jabaso lir ta jangjaogo aser tang pa High School Area, Kohima nung telidak lir.
Yekuto-i aayangertemji chioktsü atema sen 40,000 meshi aser jembitepba sülen tatem nung sen 30,000 agütsüteptsü mulungtep. Pai aayanger kinüngertem dang senji local taxi ka nung NHAK-New Market junction-i bener arutsü tetuyuba agütsü.
Police telok jagi aayanger kinüngertem sülen NHAK area tashi anidaka ao aser kinüngertemi tesem tonga oa nisungpur nem senji agütsüba sülen tena chiok.
(Maneni tapak 9 nung…)