Kohima nung NSBSG Golden Jubilee dak sendakba sentong agi

Kohima, December 14 (TYO): Nagaland State Bharat Scouts & Guides (NSBSG) Golden Jubilee dak sendakba nung Brihostibarnü State Training Centre, Pheza Nerhema Kohima district nung Scouter & Guider telongjem sentong ka agiogo.
Iba sentong nung jembidang State Chief Commissioner, P. Atuo Mezhiir Sekhose-i, pa Golden Jubilee benjungmong nung denshiba ya kanga tia taka, kechiyong pai STC agizüker ita pezü dang, ta ashi.
Paisa iba benjungmong nung adener scouters aser guiders ajak nem tenüngsang agütsü.
STC-isa, taruba küm pai state nung districts units ajak semdanga senzütsü, talisa Unit tashi meiti aliba district ana- Peren aser Longleng semdangtsü, ta metetdaktsü.
Paisa state nung school ajak nungi tekolakpurtem dang Scouts & Guides movement yaritsü mepishia metetdaktsü.
Iba maongka agia pai jubilee salem den külemi Khristmas aser Tepela New Year salem lemsatepa liasü.
Hokolbar anepdang nungi tenzüka Golden Jubile amongtsü atema District balala nungi Scout & Guides aser ketdangser 556 adenshiogo. Iba jubilee tetenzük sentong nung state Angh, PB Acharya adentsü, aser nikongdang 3:00 ako nungi tatembang sentong nung tongti tesemdanger atema taoba Chief Minister, Dr. Shürhozelie Liezietsu jaoka lir.