Kohima nung NSCN(R) secretary ka apu

Dimapur, November 16 (TYO) : November 15, 2015 nü mejangjatetba nisung anati oset abenba gari ana sota yur chiok aser tenati item gari kiburtem dang Kohima nung saru menoktsü tetuyuba agütsü, ta November 16 nü Kohima South P.S-i osang angazük.
Iba osang angazükba sülen DEF Kohima nungi Anti-extortion teloktemi osangtsüsang agiteptsü tenzük aser idangji ozüng anema mapa inyakertemji Jail Colony area, Kohima nung hotel ka nung nung anenzüka lir ta angazük.
Iba osang angazüki Anti-Extortion Team den Mobile Unit puri nisung ka apu saka kabo jena ao. Police-i apusang ket nungi .32 pistol ka den injang round 9 bena aliba angu.
Iba nisung ya Khongleang K’er jabaso Wangpai Konyak (Secy. NSCN – R) ta jangjaogo. Iba dak sendakba nung Kohima South PS nung ken o ka benokogo aser bushisüngdang tenzükogo, ta Kohima police sangdong ka nung metetdaktsü,