Kohima nung (NVBDCP) Review senden amen

Kohima, April 19 (TYO): April 19, 2017 nü Health & Family Welfare Directorate, Kohima nung National Vector Borne Disease Control Programme (NVBDCP) State Review senden menogo.
Iba senden ya state Programme officer, Dr. Kevichusa Medikhru leniba nung amen aser Director (Family Welfare), Dr.Meguosilie Kire-i lokti pelaa agizükba den külemi state nung malaria tensa melenshiba indang metetdaktsü.
Kire-isa, malaria tashidak ya azüoktsü mesüra nokdangtsü atema masü saka 2030 küm tashi nungbo meshimeshia samatsütsü nükjidong nung inyaker, ta metetdaktsü.
“Iba nükjidong ya tasak ama bilemtsüa akok, saka staff temi temelungtetba yur meranga inyak nungbo takoktsü mapa ka lir,” ta paisa ashi.
Paisa tesentepertem dang, iba nükjidong ataloktsü atema pei mapa lemzüka aliba tesem nung kanga nendaka inyaktsü ayongzük.
Kasa senden nung Senior Entomologists, Atu Longkumer-i vector control, merla yimya aser state nung vector tensa indang presentation ka agütsü.
Ano shilem agiba districts ajaki NVBDCP mapatem aser peipei district nung malaria tensa osang metetdakja liasü.
Regional Director, Regional Office Health and Family Welfare, Imphal, Dr.L.A Singh-i anküp o jembia iba senden tembang.
Iba senden nung state ketdangsertem den District Vector Borne Officers, District Consultants, Entomologists, Epidemiologists aser IDSP ketdangsertem dena liasü.