Kohima nung Office Processes indang Training agi

Kohima, August 20 (TYO): Sorkar mapa tenzükertem Office Management nung arangshitsü atema August 17-19, 2017 anogotem nung ATI, Kohima nung Office Processes indang training ka agiogo.
Iba sentong nung Deputy Director (Training), Dr. Hovithal Sothu-i File Management, Different Forms of Official Communication aser Noting Skills & Drafting Skills onüktem nung tesayuba agütsü aser Deputy Director (Training), Kaholi Sema-i Leave Rules nung tesayuba agütsü.
Iba training tatembangbuba sentong August 19, 2017 nü agi aser iba sentong nung Additional Director Administration, Kevekha Kevin Zehol, NCS-i department balala nungi shilem agir 38 dang tajungtiba agi tenzüktsü ajungshia liasü.
Paisa shilem agirtem dang parnok aliba tesem nung lokti ajungkettsütsü tayongzükba agütsü.
Paisa, “Nenoki angazükbatemji mapa küma mebenshira, tanü nenoki angazükbatemji amajok asütsü,” ta metetdaktsü.
Paisa Course Coordinator-i shilem agir aika ayongdenba aser iba training takok ngua agitetba atema pa nem tenüngsang agütsü.
Iba sentong nung training agir parnok pezü- Benile Kent, Vizoneilie Pienyu, Vibi Mero aser Rongsennukshi Aier nungeria jembia liasü.
Parnoki Course Coordinator aser Institute-i office Management training ayongzüka katsüba atema pelaba lemsatepba den külemi tarutsü nunga iba ama training balala nung adentsü jangrar, ta lemsatep.
Course Coordinator, Dr. Hovithal Sothu-i shilem agirtemi agütsüba Course Evaluation indang osang agütsü aser Additional Director danga tajungshi o jembiba atema pelaba lemsatep.
Paisa shilem agirtemi amalitepa iba training agitetba aser junga angazükba atema pelaba shisem.