Kohima nung One Wall Gallery sentong tenzük

Kohima, March 13 (TYO): Bodbarnü Kohima nung anogo 8 nü “One Wall Gallery” ta ajaba sentong tenzükogo.
Dream Café-i iba art exhibition-cum-sale sentong ayongzüka agir aser Naga artist asem- Ruokuoselhou Miachieo, H. Akup Buchemhu aser Neiphrezo Ezung nungertemi indang mapa angutsü.
Tanü iba sentong ya Kohima Press Club (KPC) general secretary Alice Yhoshu-i tenzüktsüdang Akup, Ruokuoselhou aser Neiphrezo nunger nem tenüngsang agütsü.
Par asem Hong Kong nung aliba Savannah College of Art and Design-i exposure trip aotsü shimtetba atema lai tenüngsang agütsü.
Nagaland nung art yokyayokjiba nung tetsükdaktsü aika ajurutsü saka art ya nisungtem sendaktepba hadir tajung ka teti alitsü. Art ajanga nisungtem tsüngda tesentaktep yanglutsütsü” ta Alice-isa ashi.
Dream Café lapoker küm 16 tashi aruba atema laisa pelaba olen ka jembidang Theja Meru aser par teloki Naga lanurtem ajungketba atema tenüngsang agütsü.
H. Akup Buchemhu ya Rabindra Bharati University Kolkata nungi MFA specialist in sculpture lir aser pa tang CCRT, New Delhi kübok Junior Fellowship agir.
Ruokuoselhou Miachieo ya tang Rabindra Bharati University, Kolkata nung masters in Fine Arts agir.
Neiphrezo Ezung ya pei sasa inyaktetba artist ka lir. Pai Portrait Studio, Nagaland den-a mapa inyaker.
Par asem March 22 nü Savannah College of Art & Design (SCAD) Hong Kong-i exposure trip atema apusoa aotsü.
“One Wall Gallery” nung yokzükba sen ajak jagi par asem Hong Kong-i aoba nung yariteptsü. Anungji, nisung ajaki mulungsoa tenlatsü mepishir ta Dream Cafe Director Theja Meru-ia ashi.
Dream Café nung exhibition-cum-sale sentongji March 20 tashi anepdang 10:00 ako nungi nikongtsütsü 5:00 ako tashi alitsü. Art balala indang jenjangji Rs. 100 nungi Rs. 20,000 tsüngda lir.