Kohima nung osangkaket alemer ka asü

Kohima, June 16 (TYO) : Kohima nung osangkaket alemer tejen, Raj Kumar Sah aoksaa asüba ajanga pa nem akhümtsübu agütsüba temaitsü Kohima jila nung aliba kibong aser dokan ajak nung Brihostibarnü adok indang osangkakettem ka tanga malem/mayok.
Arishi küm 41 tain, asür Sah ya yashinep osangkaket lema tejajadak nung pressure stroke asü.
Iba tatalokba nung tim masüba kecha mali, ta police-i metetdaktsüogo.
Pa temang Saran district kübok aliba par yim Kevatiya, Bihar-i par kinungertemi benerogo.
Osangkaket alemertemi Brihostibar aser Hokolbar naprong indang osangkaket Hokolbarnü külemi lemtsütsü lemtetogo.
Raj Kumar Sah, pa mapa teinyakdak nung ajungbena pressure stroke süa asüba ya kanga taoksatsüka aser kanga sasa bilemer, ta KPC nung Tongti Tezülur Alice Yhoshu-i sangdong ka ajanga metetdaktsüogo.
KPC-i asür kibong den asüku lemsateper aser asür tanela anisüngzük angutsü atema sarasademtsür, ta kasa sangdong ajanga ashi.