Kohima nung “Oztronic Festival” amung

Dimapur, July 23 (TYO) : Hokolbar aonung Heritage DC Bungalow, Kohima nung DJ tem Mumbai nungi Aphelion, Guwahati nungi Nicky Vibe, Manipur nungi DJ Loom aserKohima nungi MC Liden nungeri music meimer tem ananü amungtsü aliba “Oztronic Festival” nung kanga jangratema mungdaktsüogo. Iba sentong ya July 22, 2016 aonung tenzük aser July 24, 2016 aonung tembangtsü.
Sunep Ozukum-i, Oztronic Festival ya tang nungi tenzüka music festival rongnung official süa densemogo. Iba sentong 2015 küm tenzükba sülen sentong trokben tashi ayonga agiogo. Oztronic-i Hornbill 2015 mapang Kohima nung international musician tem jaoka shilem agidaktsüogo, ta ashi.
Taküm iba sentong ya ‘recyclable waste’ amshitsü omen nung ajemdaker akar aser item osettem ji Oztronic Festival sapurtem aser medemertemi tenla.
Parnoki teintoktsü aliba shidi, tzü pongdang tejen aser CD teraksatem bendena iba sentong indang sabang nung sobutsü inok aser ibaji ajanga oset teindoktsü aliba tanaben tagitsü küma amshiba sayur, ta Sunepbai ashi.