Kohima nung ozüng alema amshiba gari 2 apu

Dimapur, March 31 (TYO) : Anti Vehicle Theft Squad (AVTS), DEF Kohima nungi D.I.B aser A/10 NAP (IR) personnel temi Tseisema Basa junction, Kohima nung Tata Sumo (Zonal Taxi) ka apu.
Police-i temulung melemi bilemba agi Tata Sumo gari (NL 05T 0339) anener mita reprangdang, smart card( RC book) aser gari nung chassis & engine number meputep aliba putet.
Iba dak sendakba nung gari kibur anema Kohima Chiephobozou PS nung ken o ka benokogo, ta Sub-Divisional Police Officer & PRO, Kohima sangdong ka nung metetdaktsü.
Kasa teloki Maruti Alto gari ka soter mita reprangdang iba gariji taila Registration Card (smart card) ka bener amshiba putet.
Maruti Alto gari indang kibur osang tejangja bushitepa aodang NL-01C-8693 number ji D.T.O Kohima ajanga Maruti Omni Van ka nem lemzükja aliba bushitet, ta Kohima Police sangdong nungsa shia lir.
Iba dak sendakba nung Chiephobozou PS nung ken o ka benokogo aser maneni bushisündang südar, ta sangdong nungsa shisem.