Kohima nung petrol/diesel ayokdak anogo lemsar lapoktsü : Kohima DC

Kohima, Rongchii/April 14, 2020 (TYO): Nüburtem ajangzükdaktsütsü aser COVID-19 ajanga lokti nungi pilar alitsü ajungshitsü atema tekümdangtsü meratem agia aser petrol/diesel outlet-tem indang staff aser nüburtem iba wara nungi kümzüka lidaktsütsü atema, Kohima Municipal Area telungtet nung petrol aser diesel outlet balala asoshi tsünglanglen agüja aliba anogo telemsatem nung lapoktsüla, ta Kohima Deputy Commissioner ajanga metetdaktsü.
Iba tetyuyuba ya sangdongba anogo nungi tenzüka inyaktsüla aser iba roster nung temelenshi kar agitsüsa kümra sangdong ajanga metetdaktsütsü.