Kohima nung plastics noktangtsü atema senden ka amen

Dimapur, September 16 (TYO): September 16, 2019 nü Kohima District Task Force (DTF)-i plastics noktangtsüba dak sendakba senden ka amen.
Sendenji Kohima Deputy Commissioner aser DTF Chairman, Gregory Thejawelie menden ser amen.
Senden nung district headquarter aser Sub-Divisional levels nung iba mapa inyaktsüba tebilembatem lemsatep aser action plan meyipa reprangshi.
October 1, 2019 nungi plastic noktangtsü atema tan ita ketdangsertemi pei pei telongtet nung yimtsüngtem, arogotem, college aser school tem sema senzüba osang senden nung lemsatep.