Kohima nung police-i opium seret 1 apu

Dimapur, February 21 (TYO) : February 20, 2016 nü Kohima police-i Khuzama interstate check gate nung garitem mita reprangdang passenger taxi ka nungi Opium seret 1 angu.
Gari (NL-07T-0010) nung opium ji electric rice cooker ka nung miima bena liasü aser iba dak sendakba nung nisung ana apu. Tenaji Bhojpur, Bihar nungi Rama Shankar Gupta’er jabaso Ajay Shah aser Senapati, Manipur nungi Ukil Shani’er jabaso Ankit Kumar na jangjaogo, ta Sub – Divisional Police Officer & PRO Kohima-i sangdong ka nung metetdaktsü.
Iba dak sendakba nung Khuzama P.S nung ken o ka benokogo, ta Kohima Police sangdong nungsa shia lir.