Kohima nung public-i auer ka apu

Dimapur, October 12 (TYO) : October 7, 2016 aonung 10:30 ako meta nisung kati New NST, Kohima anasa Viom Network mobile tower indang diesel generator battery ka auyar aotsü lia public-i apu.
Iba nisungji public-i North Police Station ket nung agütsü aser paji asür Lim Bahadur’er jabaso Sagar Chettri aser TCP Gate, Kohima nung alir ta jangjaogo, ta Sub-Divisional Police Officer (South) & PRO, Kohima-i sangdong ka nung metetdaktsü.
Tesüiba mapang Viom Network mobile tower, New NST, Kohima nungi aiben auyaba osang metetdakja lir. Item mapang diesel generator battery, power cable, self dynamo aser armature amala osettem auya bener ao aser item asoshi Lim Bahadur dak temulung melemi bilemer, ta sangdong nung shia lir.
Iba dak sendakba nung Kohima North P.S nung ken o ka benokogo aser maneni bushisüngdang asütsü, ta Kohima Police-isa metetdaktsü.