Kohima nung R-Day benjung atema senden amen

Dimapur, January 13 (TYO): January 13,2020 nü Kohima indang DC Conference Hall nung Republic Day benjung dak sendakba senden ka ayonga menogo.
Iba senden nung mendenji ADC Kohima, Lithrongla Tongpi Rutsa liasü aser New Secretariat Plaza, Kohima nung amongtsü aliba benjung atema mapa alem.
Senden nungsa December 12, 2019 nü State Level senden amendang jembiba onüktem benoka lemsatep aser Republic Day 2020 nung department/telok balalai shilem agitsüba osang metetpela.
Tanü senden nung osang tejangja magütsütetba department/telok temi anogo ka ana tsüngda sorkar nem osang sangoktsütsü atema senden nung metetdaktsü.
Maneni, Republic Day 2020 atema January 17, 2020 anepdang 7:00 ako nungi parade rehearsal tenzüktsü telemtetba agi.