Kohima nung rakzükrakdemer ana apu

Dimapur, Yimpoksüi/November 12 (TYO): November 11 nü Kohima Police telok kati North Field School, Kohima kübok Khikha Ruleizou Colony nung rakzükrakdema senzüa alir ana puogo. Aija alisang ana yagi tena NSCN (IM) züngsem lir, ta shia liasü.
Aija alir ana ya, Wokha district kübok Changpang yimtsüng nung alir Yensoromo Kinghen’er jabaso Victor (32 yrs) aser Phek district kübok Yoruba yimtsüng nungi Thepukha’er jabaso Razuvolhou (39 yrs) ta jangjaogo. Victor ya tang Naga Bazaar Colony, Kohima nung alir aser Razuvolhou ya Kitsubozou Colony, Kohima nung alir.
Rakzükrakdmba dak sendakba nung temzüng ozüng tapet kübok tena anema ken o ka benokogo, ta PRO, DEF Kohima sangdong ka ajanga metetdaktsü.