Kohima nung rakzükraktemer ka apu

Kohima, April 21 (TYO): April 20, 2016 anepongi 00:44 ako meta Naga Hospital Colony, Kohima lanurtemi ‘D’ Khel, Kohima nung telidak nisung ka tenüng agi, Mhathung Zhimo-i NH-29 Naga Hospital Colony nung Manipur leni aoba truck anirtem dang sen rakzükraktema lia apuba sülen South P.S ket nung agütsü, ta Sub – Divisional Police Officer & PRO, Atu Zumvü NPS-i sangdong ka ajanga metetdaktsü.
Pua alisang ket nung truck anishirtem dang nungi rakzükba sen 1030 liasü. Iba dak sentakba nung pa anema Kohima South P.S nung ken o ka benokogo, ta kasa sangdong ajanga metetdaktsü.