Kohima nung Republic Day atema traffic ozüng melenshir

Kohima, January 24 (TYO): January 26, 2019 nü Secretariat Plaza, Kohima nung 70buba Republic Day amongtsü aliba dak sendakba nung security atema traffic ozüng kar melenshir, ta Kohima SP office sangdong ka ajanga metetdaktsü.
CAR PASS ‘A’ (Red) aser CAR PASS ‘B’ (Blue) aliba garitem ang Secretariat Plaza telungi aitsü melatsü; CAR PASS ‘C’ (Green) garitemi peipei ketdangsertemji Main Gate tashi dang meinoktsütsü aser gariji Secretariat Complex kima anena ayutsü.
Carpasses maliba garitemji Secretariat Complex telungi aittsü memelatsü aser Assembly Secretariat road nung anena ayutsüla.
January 26 nü anepdang 6:00 ako nungi R-Day sentong metembang tashi two wheeler densema gari kecha item lenmang nung anena mayutsüla: BSNL Telephone Exchange nungi Classic Island tashi, Raj Bhavan nungi Classic Island tashi aser Classic Island nungi Razhü Point adena Assembly Secretariat tashi.
Iba sentong metembang tashi Kohima jila nung gari tulutem senzütsü memelatsü; anepdang 7:00 ako tashi nungbo jila nung khu loading aser unloading ajak tembanger alitsüla.
Nüburtemi amaliteptsü imlar, ajisüaka tashi mangara police-i garitemji atsüer aotsü aser gari kiburtemi temenokji agutsütsüsa akumtsü, ta kasa sangdong nungsa shia lir.