Kohima nung review senden ka amen

Kohima, Aami/June 08 (TYO): Aami 08, 2018 nü Secretariat conference hall, Kohima nung Secretary DoNER, Naveen Verma aser Secretary NEC, Ram Muivah IAS na den department balalai review senden ka menogo.
Chief Secretary, Temjen Toy IAS leniba nung amenba senden nung NEC-i senotsü agutsüba projects- tang teinyakdak aser atemzüka aliba mapang süia küm ana shi menoba projects densema project balala reprangshia liasü.
Senden nung Naveen Verma-i, Nagaland nung branded ninang mochitzü ji Nagaland Honey Mission ajanga market nung ayoktsüla, ibaji ajanga state nung molamoshia aliba lisoportemi züsentetbatem ajungkettsütsü, ta ayongzük.
Paisa departments dang tim ketdangsertem nem mapang shidak nung reports tejangja agüjang, ta metetdaktsüba den külemi dept dang senotsü tamshi shia amshitsü aser state nung project balala ajanga terenlok bener arutsü atema ajungshi.
Kasa senden nung department balala nungi AHODs aser HODs-i tang teinyakdak projects balala indang metetdaktsüba den pei tebilembatem, tayongzükbatem aser projects tembanga inyaktsü atema anogo atemzüka aliba dak sendakba nung timtem balala ajangshiba lemsatepa liasü.
Senden nungsa dept. balalai schemes benoka inyakba aser senotsü amshiyim lemsatep.
Ram Muivah IAS-i tepela anküp o jembi aser DoNER Ministry aser NEC nungi ketdangsertemi state nung NEC funded projects semdanga liasü.