Kohima nung RTI Week amongtsü

Kohima, Mongputeni/October 05 (TYO): ADC Kohima, Lithrongla Tongpi Rutsa-i sangdong ka ajanga, linük den liromedema Kohima District nunga Mongputeni/October 5 nungi 12 tashi RTI Week amongtsü, ta metetdaktsüogo.
Iba dak sendakba nung District Administration-i ayongzüka Mongputeni/October 9, 2018 nikongdang 03:00 ako nungi Deputy Commissioner’s Conference Hall nung “RTI and the role of citizens” omen nung ajemdaker activists, kaketshirtem, osangbenertem, melungtet teloktem densema sensotem den anogo ka awareness sentong agitsü, ta kasa osang ajanga metetdaktsü.