Kohima nung samaba gari ka angu

Dimapur, November 18 (TYO) : Gari ka auya ta osang angazükba sülen Kohima police-i mita atadang Lower Forest Colony, Kohima len nungi aruba Mahindra Bolero ka sot.
Police-i NCRB database nung Bolero (NL10-0576) gari indang temetettsütem bushidang NL10-0576 number ji Maruti Gypsy (Hard Top) ka nem lemzükja aliba bushitet. Iba number ji Principal Chief Conservator of Forest, Government of Nagaland tenüng nung lemzükja liasü.
Police-i asüngdangya asüdang Mahindra Bolero indang gari driver jagi kulikaket ka danga magütsütet aser gari reprangdangdang chassis number nung teka ir liasü. Iba dak sendakba nung gari driver Nieduyi Venuh apu.
Pa ya Old Phek yimer Nietahu ta jangjogo aser P/Add- Old Ministers’ Hill, Kohima nung telidak lir. Iba asoshi South P.S nung ken o ka benokogo aser maneni bushisüngdang südar, ta Kohima Police sangdong ka nung metetdaktsü.