Kohima nung samaba motorbike ka Kiphire nung angu

Dimapur, July 16 (TYO) : July 13, 2015 nü North P.S Kohima nung motorbike kibur kati pa indang Yamaha Alba 106 CC bike samaba indang ken o benok.
Pai ashiba agi, ano register masüba motorcycle (Engine No. STSA029418 & Chassis No. MEIST0AX92029350) ji Blue Bayou hotel, Kohima anasa anena yua aliba auyar ao.
Iba osang angazükba sülen police check gate ajak osang sangoktsü aser Police Station ajak dangi W.T message belenshi, ta Sub-Divisional Police Officer & PRO, Kohima-i sangdong ka ajanga metetdaktsü.
July 14, 2015 nü Kiphire P.S nungi police-i Kiphire jila nung garitem mita reprangdangdang auyaba motorbike ji angu. Iba dak sendakba nung Lumbise Sangtam ta ser nisung ka apu.
Pa ya Old Resithsi yimer Selimong’er jabaso ta jangjaogo aser Kepongya colony, Kiphire nung telidak lir.
Kiphire police-i bike anguba den auer apuba osangji North P.S Kohima nem sangoktsü aser July 15, 2015 nü auerji Kohima-ianir aruogo, ta Sub-Divisional Police Officer & PRO, Kohima sangdong nungsa shia lir.