Kohima, September 3 (TYO): Küm 25 jakdang Ao lima nung lanurtem yi aser drugs agi samatsüba purtem kümzüktsü asoshi Tsüngremi moatsüba kentener telok Samaro telok tenteter küm 25 ajungba nüngtem nung tanü Deobarnü Kohima nung KABA Chandmari Fellowship nung temoatsü sentep aser nikongdang Minister Hill Fellowship nung kenten sentong ayongzüka agiogo.
Samaro telok ya Servanthood Bible College nung 1992 küm tentet aser tang tashi nung parnoki ken 300 shi mejema tenogo.
Kasa Jubilee kenten benjung Mokokchung nung liogo aser iba küm tatemlen Dimapur nunga alitsü sentong lir.
Kohima nung Samaro pur sentong agi added by nungsang on
View all posts by nungsang →
You must be logged in to post a comment Login