Kohima nung Samarth coaching institute semzükogo

Kohima, July 17 (TYO): Hombarnü Kohima nung Kohima Deputy Commissioner, Rajesh Soundararajan-i NEET (Medical), AIIMS/JIPMER, JEE (Main) aser IIT-JEE (Advance) atema coaching institute, Samarth semzüktsüogo.
Iba institute (Regional Centre (NE) ya Ao Church, Midland anasa Grace Complex, 2nd floor nung lir.
Iba sentong nung jembidang Soundararajan-i, iba institute ya takok ngua aotsü aser iba institute ajanga kaketshirtem tajangzük ngua linük nung tangar kaketshirtem den meneptepa aintsü imlar, ta metetdaktsü.
Ano Michael Yhome-ia, iba institute ya ajanga kaketshirtemi taküm nung temaba jenjang ajangzüktettsü imlar, ta metetdaktsü.
Samarth Nagaland managing director, Dr. Seyievilie Mor-i, iba coaching institute nükjidong ya kaketshirtem, talisa lower level nung kaketshirtem nem shisaliok tajung agütsütsü atema lir, aser iba Centre ya National standard nung lir, ta ashi.
Samarth India tenüng nung Dr. Kamlesh Kumar Sharma-ia jembia liasü.
Iba institute nung training junga agiba aser küm 10 dak tema tesayuba mapa inyaker faculties lir, aser parnok rongnung Rajasthan head office nungi visiting faculty dena lir.
Iba institute nung IIT (Rankethon) nungi visiting mentor IIT (Rankethon) aser India nung nüngtugu medical college tem nungi interactive session alitsü aser Rajasthan nungi faculties den video conferencing densema lir.
Samarth Nagaland faculty rongnung Dr. SK Agarwal, Dr. P. Prasad, Diwakar Mishra, Abhijit Sarkar, T.K. Singh, K.P. Bagchi, Amit Singh, Temsu Aier, Kahoni K. Yeptho, Kikrusenuo Kiewhuo, Grace Newmai, Vitsono Lungalang aser Bikash Mandal nunger densema lir.