Kohima nung Sanitary Napkin yangluba training agi

Kohima, Luroi/August 09 (TYO): Family Planning Association of India, Nagaland Branch-i tang mezüngbuba sanitary napkin yangluba machine amenokogo aser sanitary napkins yangluba training agütsüogo.
Anogo ananü training program (August 8-9, 2019) ya Muskan Youth Centre, Kohima nung takok ngua agiogo, ta Program Officer, FPA India, Nagaland Branch – Kohima, Akangkokla Namo-i osang ka ajanga metetdaktsü.
Training agütsürtemji S. A. Enterprise nungi Trainer, Ghanshyam aser Scout/F- Researcher NIF, Guwahati Cell- Indian Institute of Technology Guwahati (IITG), Birise Sangtam na liasü aser training agirtemji FPA India, Nagaland Branch nungi Vincent Belho, General Manager leniba nung staff tem aser FPAI nungi youth volunteers liasü.
Training shilem nung machineries balala amshiyim aser sanitary napkins renemba inyakyim dena liasü.
1978 küm Nagaland nung Family Association of India (FPAI), Nagaland Branch tenzükba mapang nungi Association-i Sexual Reproductive Health information aser family planning atema inyaka arudar.
FPA India indang mapatongtem rongnung tetsür aser tanur anema alitsü,teburtem dendaktsüba, tainlonglong atema health services aser tetsürtem health aser rongsenkettsüng nung rangloker lanurtem nem tashi agütsütsü atema programmes agiba den service balala densema lir.
National Innovation Foundation of India, Guwahati Cell-i yariba ajanga FPA India Nagaland Branch-i Sanitary Napkin Making Machine amenoka ano maparen tasen ka tenzüktetogo.