Kohima nung school 11 ‘Tobacco Free Schools’ sangdongogo

April 2016 nü Kohima DC Conference Hall nung DLCC senden akadang DC Kohima aser DLCC Chairman, Rovilatuo Mor IAS den ketdangsertemi jila nung aliba school 11 Tobacco Free School ta sangdonga kuli kaket agütsüba sülen tangokba noksa ka yangi angur.

Kohima, April 07 (TYO): April 7, 2016 nü DC’s Conference Hall, Kohima nung Tobacco Control onük nung District Level Co-ordination Committee (DLCC) senden amending Kohima nung shisaliok reju 11 ‘Tobacco Free Schools’ ta sangdongogo.
Kohima district nung ‘Tobacco Free Schools’ rongnung Modern Institute of Teacher Training, Government Higher Secondary School, Seikhazou; Genesis High School; Government High School, P.W.D; Pinewood School; Government Middle School, Merhulietsa; Oking Christian School; St. Joseph School; Dainty Buds School; Regimental School, Thizama aser Mount Sinai Higher Secondary School lir.
Tobacco Free Schools/Institute nem Certificate lemtsüdang Deputy Commissioner Kohima aser DLCC Mendenbuba, Rovilatuo Mor IAS-i, iba nüngja angutsüsa temsüa akumba atema school tem nem tenüngsang agütsüba den külemi  tarutsü nunga maneni pei reju nung moko mamshiitsü atema ayongzük.
Paisa tanga school aser rejutem dang asen linük ya tobacco free akümtsü atema meranga inyaktsüla, kechiyong COTPA 2003 indang tongtibangba nükjidongji, asen linük ya ‘tobacco free nation’ ka akumtsü atema lir, ta ashi.
Joint Director Health & Family Welfare aser State Nodal Officer, Dr. Hotokhu Chishi-i Tobacco Free Schools/Institute 11 sangdongdang, Tobacco Free Schools shimtsü atema lateta alibatem metetdangtsüba den külemi certificate angur school tem nem tenüngsang agütsü.
Maneni District Nodal Officer Kohima, Dr. Arenla Walling-i,  September 2015 nungi March 2016 tashi nung District Tobacco Control Cell Kohima-i inayktetbatem indang nung PowerPoint presentation ka agütsü.
Taoba DLCC senden nung Tobacco Free School tem nung Tobacco Control Committee tentettsü lemtetba lepshia DC-i, Schools Tobacco Control Committee shia nung local GB ka densemtsüla, ta ashi.
Paisa tanü sangdongba Tobacco Free Schools tem dang peipei reju nung Tobacco Control Committee tentettsü mepishi.