Kohima nung sen lakh 10 jenjang yi apu

Dimapur, October 23 (TYO) : Kohima police-i Khuzama interstate check gate nung garitem mita reprangdang Manipur leni aoba truck gari ka nung yi aika bena aliba apu.
Truck gari (JK-02AP-0569) nungji metsü bena liasü saka police-i kanga junga mita reprangdang yi tapu balala case 355 tashi miima bena aliba putet, ta Sub-Divisional Police Officer (South) & PRO, Kohima-i sangdong ka nung metetdaktsü.
Yi case temji metsü bostatem agi nembanger bena liasü aser iba dak sendakba nung police-i nisung ana apu.
Tenaji Haveli nung Kulbir Singh’er jabaso Gagandep Singh aser Jammu nung Mahinder Nagar’er jabaso Charanjeet Singh na lir ta jangjaogo ta sangdong nungsa shia lir.
Iba dak sendakba nung Khuzama P.S nung ken o ka benokogo.