Dimapur, July 13 (TYO) : Khuzama inter-state check gate nung Kohima police-i garitem mita reprangadang Tata Mobile ka nung ganja seret 250 bena aliba apu.
Tata Mobile gari (AS-01EC-7409) nung bena aliba ganja indang jenjangji sen lakh 2.5 shi ka asütsü, ta Kohima Police sangdong ka ajanga metetdaktsü.
Iba atema police-i nisung ana apu aser tenaji Manipur nunger Khumamthem Rajen Singh o Thenden na lir.
Tata Mobile indang gari nung miima khu abenba ka yangluloka liasü aser idakji ganjaji taseptsü 25 nung enoker bena liasü, ta Kohima Police sangdong nungsa shia lir.
Kohima nung sen lakh 2.5 shi jenjang ganja apu added by asungba on
View all posts by asungba →
You must be logged in to post a comment Login