Kohima nung sen lakh 5.20 alang SP süngjangtem apu

Dimapur, April 20 (TYO) : Kohima police-i Khuzama interstate check gate nung garitem mita reprangdang Maruti Wagon-R gari ka nung ozüngi noktanga aliba mozü aika bena aliba ngutet, ta Sub-Divisional Police Officer & PRO, Kohima-i sangdong ka nung metetdaktsü.

Maruti Wagon-R (AS-17-2734) gari nung Spasmo proxyvon süngjang 52,000 miima bena liasü aser mozü indang jenjangji sen lakh 5,20,000 shi indang asütsü amai asadangtetogo, ta Kohima Police sangdong nungsa shia lir.

Iba dak sendakba nung nisung ana apu aser tenaji Thoubal, Manipur nungi Najeruddin’er jabaso PH. Esha Ali aser Imphal East, Manipur nungi MD. Hamid Khan’er jabaso Imtiyaj Khan na lir ta jangjaogo. Tena anema Khuzama P.S nung ken o ka benokogo, ta sangdong nungsa metetdaktsü.