Kohima nung sen lakh 7 shi alang ganja apu

Dimapur, May 16 (TYO): Khuzama Inter-State police check gate nung Kohima Police-i sen lakh 7 shi alang ganja apu.
Police-i Renault KWID gari (MN08A-0243) mita reprangdang ganja seret 140 bena aliba apu, ta Sub-Divisional Police Officer (South) & PRO Kohima, Atu Zumvü, NPS-i sangdong ka nung metetdaktsü.
Iba dak sendakba nung A. S. Varechan (29 yrs) ta ser nisung ka apu. Pa ya Manipur kübok Kamjong yimer Ningon’er jabaso ta jangjaogo aser pa ya Veuland Colony, Senapati nung telidak lir, ta sangdong nungsa shia lir.
Iba dak sendakba nung Khuzama P.S nung NDPS Act kübok ken o ka benokogo aser bushisüngdang tenzükogo, ta Kohima Police-isa metetdaktsü.