Kohima nung Shaktiman truck abener 2 apu

Dimapur, July 20 (TYO) : July 17, 2015 nü DEF Kohima nungi District Intelligence Branch (DIB)-i Kidima lemjem nung garitem mita reprangdang Shaktiman truck gari ka apu, ta Sub-Divisional Police Officer & PRO Kohima-i sangdong ka nung metetdaktsü.
Iba gari indang B/R No. MN-07C-4263, Engine No. P417035VF aser Chassis No. 91VFJ60526P liasü aser saka R.C book nungbo chassis & engine number tazüngla liasü.
Iba gari indang sales deed nungbo gariji Jaintia Hills, Shillong nung alir Arzat Ali’er Anamul Haque ket nung sen 30,000 yong alizük ta zülua lir, ta Kohima Police sangdong nungsa shia lir.
Police-i temulung melemi bilemba agi asüngdangya asüdang, gariji Ukhrul district, Manipur nung alir Khangwan dang nungi Dimapur nung sen 3,40,000 yong alizük ta angazük. Ajisüaka, ibaji gari kaket nung shia aliba den khenyongi meputep liasü.
Police-i driver dang asüngdangya asüba mapang nisung kati pa indang cell phone nung jemi aser police dang pa kibur shitakba lir ta ashi. Pai gariji auction ka nungi alizük ta ashi saka iba metentsü atema kuli kaket kecha maliasü.
Iba dak sendakba nung police-i nisung ana puogo aser tenaji Manipur kübok Parei yimer Luitaphang Vashem’er jabaso Mayami Vashem aser Pungcham yimer Paul Khaleng’er jabaso Khaleng Aso na ta jangjaogo.
Tena anema Khuzama P.S nung ken o ka benokogo küm 56 tejaklen yangluba shaktiman truck gariji police ket nung yua lir.