Kohima nung SP süngjang 23120 apu

Dimapur, March 7 (TYO) : Hombar anepdang 4:30 ako meta Khuzama check gate nung Excise police (Narcotic Cell) ketdangsertemi ozüng alema mozü shibelener ka apu.
Iba nisungji Leikai, Imphal West nung alir Md. Mujibur (29) ta jangjaogo aser pa Manipur-i aoba Tata Winger gari ka nung apu. Pa ket nungi Spasmo proxyvon süngjang 23120 apu, ta Excise Narcotic Cell-i metetdaktsü.
Iba nisung ya kisür ka lir aser pai Kolkata nungi sen 50,000 agi SP süngjangtem ali aser Manipur nung sen 80,000 yong yokdoktsüba liasü ta pai nangzükogo, ta Excise Narcotic Cell ketdangser kati ashi.
Taoba mapang pai mozü shibelena yokogo aser tan tanabenbuba inyakdang apu, ta police-ia metetdaktsü.