Kohima nung Street Food Festival ayongzüka agidar

Kohima, February 05 (TYO): Hopta ana piyong ‘Shehri Samridhi Utsav 2019’- street food festival February 4, 2019 nü high school junction, Kohima nung ‘Eat Safe, Eat Healthy and Eat Fortified’ omen nung ajemdaker tenzüka liasü.
Iba sentong ya SUDA aser Health & Family Welfare kübok Food Safety, Nagaland, Kohima Municipal Council (KMC) aser National Livelihood Mission-i ayongteper ayongzük.
Iba den kasa mela ji taruba hoptatem nung main town MLA junction aser BOC nunga ayongzüka agitsü.
Street food festival nung SHG (Self Help Group) 15-i shilem agidar; parnoki süngjanglijang, aonsotsü, naro aser teka mapa balala sayaba den ayokba nung shilem agidar.