Kohima nung SVEEP Outreach programme agiogo

Kohima, July 21 (TYO): July 21, 2017 nü Sahitya Sabha Hall, Kohima nung Capital College of Higher Education, Kohima kaketshirtem atema Systematic Voters Education & Electoral Participation (SVEEP) outreach programme katsüogo.
Iba sentong nung Kohima ADC, Kiusumong Tikhir-i kaketshirtem atema Election Commission of India (ECI) asalentong metetdakja liasü.
Paisa, sveep campaign ya lanurtem electoral roll nung tenüng züluoktsü aser telemtetba tajung agia tetemjen lenirtem shimtsü atema lir, ta metetdaktsü.
ADC-isa, July 31, 2017 nü matongdang pei tesem nung electoral roll nung tenüng züluoktsü metetdaktsü.