Kohima nung taila sale deed/agreement yanglur tetsür ka apu

Dimapur, November 22 (TYO) : Kohima yimer Dziezeneilie Pienyü kinungtsü Salienei-ü Pienyü-i taila sale deed/agreement yanglutsü atema pa indang tenüng aser Official seal amshir ta Kezekie North Block, Kohima nung alir public lennir kati North P.S Kohima nung ken o ka benok, ta Sub-Divisional Police Officer & PRO Kohima-i sangdong ka nung ashi.
Iba nung ajemdaker police-i tetsürla apu aser lar ki mita reprangdang, sale deed/agreement ka, Deputy Commissioner Kohima indang round seal 2 aser official stamp seal, RGD (Registration) stamp seal ka, Block Development Officer (R.D Block Chiephobozou) indang stamp seal ka, Judicial Magistrate 1st Class, Kohima indang stamp seal ka, G.B Middle Bayavu colony Kohima indang stamp seal ka aser G.B North Block – 3, Kezekie Kohima indang stamp seal ka ngutet, ta sangdong nungsa shia lir.
Police-i la dang asüngdangya asüdang, lai 2013 küm nungi taila sale deed/agreement yanglua nisungtem ashioktsüyonga aruba nangzükogo, ta Kohima Police sangdong nungsa shia lir.