Kohima nung tasümang ka angu

Kohima, June 02 (TYO): May 31, 2016 aonung 9:00 ako meta non- local arishi küm 35-40 shi, tar feet 5 ser inch 11 aser sentsü tanak tebur ka tasümang Manipur FCI godown, Kohima anasa NH-2 tsünglanglen nguogo, ta Sub-Divisional Police Officer (South) & PRO, Kohima, Atu, Zumvü NPS-i sangdong ka ajanga metetdaktsü.
Mejangjaba asürji telung sobutsü sobua liasü aser Hindu nungeri tekanük nung mesüba ama lisü ka mesüa liasü.
Asür tekolak aser tenarong abelen tsütsü tekuben arüra lir, temalen tepo ana tera alia adoka lir aser teka anaprong nung teptsü tepa lir. Tasümang maitsü jangjatsü atema Kohima South PS morgue nung yua lir.
Osang tejangja atema ghonda 72 mesüidang Kohima South police station mesüra Khuzama police station nung OC South PS +918575045520, South PS +918575045502, OC Khuzama PS +918575045515 aser Khuzama PS +918575045505 mobile number tem nung tongteprateptsü akok, ta kasa sangdong nung shia lir.