Kohima nung taxi scooty kati nisung ka tsükset

Kohima, Tsüklai/February 16 (TYO): Hokulbarnü Kohima nung taxi scooty kati tetsür ka dak atsükba sülen la yangji asü.

Osang ajanga ashiba agi tetsürla ya lenmang ajanga aoba mapang scooty ya kanga kera arua la dak atsük.

La ya Oking Hospital-i arrsanga bener ao saka la süogo ta sangdonga liasü. La ya arishi küm 59 tain Krishna Biswakarma aser Paramedical Colony nung alir ka liasü.

Scooty anisang ya maneni bushisüngdangtsü atema police ket nung yua lir.