Kohima nung teküp ayoker ka den tebur 11 apu

Dimapur, April 29 (TYO) : Kohima kübok B.O.C area nung teküp ayokba maparen inyaker ta ‘T’ Khel Youth Organization Kohima-i osang sangoktsüba sülen Women Cell police aser lanurtemi Paramedical Colony Kohima nungi alir tsümatsür ka apu.
La ya Sagholi ta jangjaogo aser lai ‘T’ Khel market area aser temeket nung teküp ayokba atema tai tonglokja apu, ta Sub-Divisional Police Officer (South) & PRO Kohima-i sangdong ka nung metetdaktsü.
Police-i Sagholi dang asüngdangya asüdang lai la den shi nung medemer aika tenüng metetdaktsü aser iba nung ajemdaker parnok nisung 11 tashi Kohima jila kübok tesem balala nungi apu. Parnok ajakji anogo balala nung apu aser Prevention of Immoral Traffic Act 1956 kübok aitsüogo, ta Kohima Police sangdong nungsa ashi.
Police-i apurtem: Sahamur Ahmed Jahir (P/Add- BOC Market, Kohima), Dhiray Kumar (P/Add- Poterlane Colony, Kohima), Md. Mofidul Islam (P/Add- P.R. Hill, Kohima), Jashim Uddin (P/Add- Supply Colony, P.R. Hill, Kohima), Naresh Thakur (P/Add- Paramedical Colony, Kohima), Ashikul Islam (P/Add- BOC Kohima), Sidu (P/Add- P.R. Hill. Kohima), Islam (P/Add- New Secretariat Kohima), Noor Islam (P/Add- D Block Kohima), Hussain Ahmed (P/Add- Phoolbari Kohima) aser Sanju Deb (P/Add- AG Colony Kohima).