Kohima nung tenokdangba kar salatsür ; AYO-i Hotel tem kümdangtsü tuyur

Dimapur, February 14 (TYO): Angami Youth Organization (AYO)-i maneni February 15 anepdang 8:00 ako nungi nikongdang 3:00 ako tashi mokdangtsü osang metetdaktsüogo.
Ajisüaka, iba mokdang kübok Fire Service, Medical, tatidang agütsür kaketshirtem, SP office & Administration, Press Media, NBSE/NPSC, Para Military aser Power Sub-station tem salatsür ta tanü sangdong ka nung parnoki metetdaktsü.
AYO-isa Kohima nung aliba hotel tem nung yimtenren teloktem amungba mesüra Government department tem official senden aser office mapa atema adenshiba putetra, tapet temerenshi alitsü ta metetdaktsüogo.
Temalen shia aliba mapatem inyakba putetra, Hotel Administration temi iba tebilemtsü khuret abentsü, ta AYO-isa ashi.