Kohima nung voters awareness forum training agi

Kohima, Yimpoksüi/Nov. 19 (TYO): Tanü DC’s Conference Hall, Kohima nung State level Master Trainers-i ayongzüka lokti tentet balala den India Chuna Pathshala & Voters awareness Forums training ka agiogo, aser iba training ya grass root level nung election indang rajemdaktsütsü atema liasü, ta tanü ketdangsertem osang ka ajanga metetdaktsü.
Training session nung Deputy Chief Electoral Officer, Vekho Vero-i ELC, Chunav Pathshala aser VAFS indang metetdaktsü; Youth Net aser SLMT-i Wall Magazine indang jembi aser Assistant Chief Electoral Officer, Awa Lorin-i electoral roll indang metetdakja liasü.
Training nungsa Keneilesa, Associate Professor & SLMT aser Assistant professor & DLMT, Floor and Card Games indang metetdaktsü; Deputy Chief Electoral Officer, Ruokuovituo Khezhie-i BAG (Information and Function) indang metetdaktsü aser Additional CEO, N. Moa Aier-i electoral perspectives indang metetdaktsü.
Tesülen training agirtem nem certificates agüja liasü.