Kohima nung weekly bazaars & evening markets melapoktsü

Dimapur, March 18 (TYO): Kohima nung weekly bazaars aser evening markets lapoka mamentsü, ta Kohima Deputy Commissioner, Gregory Thejawelie NCS-i tanü sangdong ka nung ashi.
World Health Organisation (WHO)-i Novel Corona Virus (COVID-19) ya alima wara ka ta sangdongba nung ajemdaker, iba tenokdangba agütsür ta Kohima DC-i metetdaktsüogo.
Paisa, public dang pei temang aser temeket merükmejua ayutsü atema metetdaktsü.
“Nübortemi telok-tenji nung madentsüla aser tang nüngdakbatem alioka mayutsüla, kechiyong nüngdakba ajak peria lir,” ta Kohima DC-isa ashi.
“Kohima District Helpline No. – 8837093602/7005464959 ajanga COVID-19 dak sendakba osang metetpelatsü akok. Nagaland adena orr azüngba kaketshirtem shirnok tang arua lir, nenoki Helpline No. 7005415243/9856071745/7005939653 den jembitsü mesüra nissu.idsp@nic.in of the Health and Family Welfare Department, Government of Nagaland dangi email ajanga osang yoktsü metetdaktsür” ta paisa ashi.