Kohima nung wet market aser shileper dang metetdaktsür

Dimapur, Chiteni/July 01 (TYO): Alima tesem balala nung aliba wet market aser shileper, talisa shijem, an aser ango tazü ayokba ajanga Corona Virus tashidak menatepa aoba osangtem angashidaki, anungji iba amala shishilempaba tesem nungi iba virus prokshia aotsü aliba nokdangtsü mechi Kohima Municipal Council (KMC) kübok aliba tesem nung wet market aser shileper tem dang jana aser tzü ajak shimteta aliba tesem nung bendena sanitize asütsü atema KMC Administrator, Kovi Meyase-i sangdong ka ajanga metetdaktsü. Maneni parnok dang FSSAI totuyuba nung aliba ama lapoktsü metetdaktsü.

Shishilempar kar danga item yimya mesüra totuyuba nung aibelenba putetra tsünglanglen shia aliba ama merenshitsü:

1. Mezüng aibelener dang senchi sen 500/- achitsü.
2. Tanaben aibelener dang senchi sen 1000/- achitsü.
3. Trade License thitsütsü (cancel).