Kohima nung World Day against Child Labour amungtsü

Kohima, June 09 (TYO): June 12, 2017 anüngdang 11:00 ako nungi APO Hall Midland, Kohima nung ‘In conflict and disasters, protect children from child labour’ omen nung ajemdaker International World Day against Child Labour amungtsü, ta sangdong ka ajanga metetdaktsü.
Department of Labour den Childline Kohima senteper kümshia June 12 anogo nung World Day against Child Labour amunger, koba ajanga sorkar mapa inyakertem aser lokti tentet balala nung inyakertem longjemdaktsür alima ajaklen tetsür/tebur chanu million aika mapa inyakdakja timtemdaktsüba anema inyaker.
Taküm World Day against Child Labour anogomung nung rara aliba tesemtem aser lendong aliba tesemtem nung tanurtem mapa inyakdaktsüba ajanga tanurtemi timtem ajuruba nung rangloker amungtsü.
Alima den tsüngkang medema Labour department den Child line Kohima-i iba anogomung nung tanurtem nem shilem agidakja sentong balala ayonga akatsü.
Iba anogomung nungsa sticker campaign den IEC materials lemtsütsü.
Iba dak alia jila nung tesem balala nungi jajaa APO Conference Hall, Kohima nung adenshir tembangtsü.