Kohima nung World No Tobacco Day amongtsü

Kohima, Monupii/May 29 (TYO): Monupii/May 31, 2018 nikongdang 1:00 ako nungi tenzüka DBT Hall NHAK, Kohima nung World No Tobacco Day anogomong sentong ayonga akatsü, ta tanü ketdangsertem osang ka ajanga metetdaktsü.
Iba sentong nung Medical Specialist NHAK, Dr. Vanlaruati Nyuthe-i ‘Tobacco & Heart disease’ onük nung jembitsü aser State Nodal Officer NCD, Dr. Nchumbemo Ezung-i o tatsüka jembitsü.
Kasa sentong nungsa District Nodal Officer Kohima District, Dr. Arenla Walling-i NTCP-i inyaka aruba mapatem tongmelang agi metetdaktsütsü, ta kasa osang ajangasa metetdaktsü.