Kohima nung yi aika apu; Auer 3 apu

Dimapur, September 8 (TYO) : September 7, 2015 nü DEF Kohima nungi Mobile Unit-i Zhadima lenjem anasa garitem mita reprangdang gari ana nung yi aika bena aliba apu.

Police-i Tata Sumo (NL-01T-8128) aser Omni Van (NL-01H-1776) nung yi temeyoktep case 62, MC Rum case 42 aser Kingfisher beer case 22 bena aliba apu.

Iba dak sendakba nung nisung ana puogo aser tenaji Shesulimi nunger Vivito Shohe aser Kohima nunger Francis na lir aser Chiephobozou P.S nung tena anema ken o ka benokogo, ta Sub-Divisional Police Officer & PRO Kohima-i sangdong ka nung metetdaktsü.

Ano, September 2, 2015 anepdang auertemi Dr. Dietho-o Clinic, TCP gate Kohima kakpoka tur auya ta Kohima North P.S nung ken o ka benok.

Iba dak sendakba nung police-i mejangjaba nisung kar anema ken o benoker bushisüngdangtsü tenzük, ta Sub-Divisional Police Officer & PRO Kohima-i sangdong ka nung metetdaktsü.

Bushisüngdangyonga arudang September 5 nü public-i Vekuthozo Shijoh ta ser nisung kati Rutsa Bakery, Old NST nung auyatsü merangdang apu aser North P.S-i anir aru, ta Kohima police sangdong nungsa shia lir.

Vekuthozo ya Chozuba nunger Vekhrulhe’er jabaso lir aser pa tang Midland Colony Kohima nung telidak lir ta jangjaogo.

Police-i Vekuthozo dang asüngdangya asüdang pai ashiba agi September 5 nü par medemer ana Hito aser Vebuto na ajuru aser tenati pa dang inverter ka alinür malinür ta asüngdang. Ajisüaka, pa ket nung sen maliba agi malitettsü ta langzü.

Vekhuthozo-i ashiba nung ajemdaker police-i September 6 nü Periezie colony Kohima nung nisung anaji apu.

Tenaji Chozuba nunger Pukhruo Ringa’er jabaso Vebuto Ringa aser Chozuba nunger Kwuzota Nienu’er jabaso Hito Nienu na lir ta jangjaogo.

Tena apuba sülen police-i asüngdangya asüdang tenati September 1 anepdang Dr. Dietho-o Clinic nungi auyaba nangzükogo aser tena ket nung anguba osettem tsünglanglen agütsür.

Sl. No Items Seized                                                     Quantity

1          Battery (Luminous Electra)                           01 No

2          Inverter (Su-Kam Shark-650)                        01 No

3          BP Instrument (Diamond)                              02 Nos

4          Stethoscope (Littmann)                                  01 No

5          Magnifying glass                                              01 No

6          Optical Set (Oriental Opticals)                       01 No

7          Gas Cylinder (Indane)                                     01 No

8          Gas Regulator (Indane)                                  01 No

9          Ophthalmoscope                                              01 No

10        Tooth brush (Dr. Brush)                                  04 Nos

11        Weighing machine (Dr. Gene)                        01 No

12        Sanka Biri                                                          20 Nos

Sl. No  Items Seized                                                     Quantity

13        Gold Flake                                                         03 Nos

14        Kaka Sada                                                        15 Nos

15        Laser Blade                                                       04 Nos

16        Match boxes                                                     04 Nos

17        Aircel pocket Internet (Rs. 98)                       07 Nos

18        Aircel pocket Internet (Rs. 8)                         40 Nos

19        Airtel Top Up (Rs. 10)                                     01 No

20        Airtel Top Up (Rs. 05)                                     150 Nos

21        Airtel Super Recharge (Rs. 12)                       20 Nos

22        Vodafone Internet Bonus card (Rs. 08)      15 Nos

23        Reliance Top Up (Rs. 10)                               14 Nos

24        Reliance SMS pack (Rs. 39)                          07 Nos