Kohima nung yi aika apu Truck gari auyar 2 apu

Arrested-KmaDimapur, June 26 (Agencies) : June 25, 2016 nü 37th Assam Rifles-i Lal Mati area aser 10th Mile road (Wokha road) tsüngda garitem mita reprangdang gari ka nung yi aika bena aliba putet.
Maruti Alto (AS-03B-4567) gari nung MC Rum (Plastic bottle) 135 nos, OC Blue (quarter bottle) 42 nos of, Foster beer 29 nos aser Kingfisher beer 28 nos bena liasü.
Assam Rifles sepaitemi yi den külemi Phuto Achumi ta ser gari anisang apu aser parnok ajak Sechü (Zubza) P.S. ket nung agütsü, ta Sub-Divisional Police Officer (South) & PRO Kohima-i sangdong ka nung metetdaktsü.
June 24, 2016 nü tanga tatalokba ka nung Secretariat road nungi dumper truck gari ka auya bener ao. Ajisüaka, DEF Kohima nungi patrolling party-i NST complex anasa gariji sot.
Iba dak sendakba nung police-i nisung ana apu aser tenaji Manipur nung Zhopumai yimer Ngaonie Poumai’er jabaso N. Hrüpu Poumai aser Chorou Poumai’er jabaso N. Ningtho Poumai na lir ta jangjaogo.
Tenaprongla tang High School colony, Kohima nung telidak lir aser Kohima North PS nung tena anema ken o ka benokogo, ta Kohima Police sangdong nungsa metetdaktsü.

You must be logged in to post a comment Login