Kohima nung yi apu; Jotsoma lanurtemi gari auyar ka apu

Dimapur, September 28 (TYO) : Kohima South Police Station nungi police telok kati Jail colony, Kohima nung nisung kar gari ka nungi khu kar oshizükba angu.
Parnoki temulung melemi bilemba agi oa reprangdangdang Mahindra Scorpio (B/R No. NL-07-9707) gari nung ozüng anema yi bena aliba angu.
Police-i Kingfisher canned beer case 3, Budweiser canned beer case 3, foster canned beer case 1, Kingfisher bottled beer case 1, Romanov Vodka case 1, MC Rum case 1, OC black Whisky case 1, OC blue whisky bottle 8, OC blue whisky bottle 18 aser OC blue whisky bottle 36 angu, ta Sub-Divisional Police Officer & PRO Kohima-i sangdong ka nung metetdaktsü.
Iba dak sendakba nung nisung ana Muna Kumar aser Ajazy Kumar na puogo. Muna Kumar ji Midland colony, Kohima aser Ajazy Kumar ji Jail colony, Kohima nung telidak lir aser tena anema ken ka benokogo, ta sangdong nungsa shia lir.
Jotsoma yimtsüng nungi lanurtemi gari auyar ka apu. Iba nisung yagi Alto K 10 (B/R No. NL-01H-3503) auyar jena aotsü merangdang lanurtemi apu, ta Kohima Police-isa metetdaktsü.
Jotsoma lanurtemi apuba nisungji Manipur nunger asür Joy Singh’er jabaso Chouba Singh (Imnamoa) lir aser pa ya Tuli, Mokokchung nung alir, ta Kohima Police-isa metetdaktsü.
Asüngdangya asüdang Chouba Singh-i ashiba agi, pai mezüng gari auyatsü merangdang tamakok angu aser pa tammang nung jena ao. Iba sülen anepdang 2:00 ako meta pa tanaben gari auyatsü atema aru aser gari bener aotsü merangdang lanurtemi pa apu.
Police-i pa ket nungi gari sapi 6, gari indang smart card 2, driving license 1, spasmo proxyvon süngjang 14, mobile phone (Nokia) 1, Rs. 1200 aser truck gari ka indang registration certificate ka ngutetogo.
Iba dak sendakba nung Kohima Sechü (Zubza) P.S nung ken o ka benokogo.Kohima South Police Station nungi police temi ajungbena Inner Line Permit (ILP) mita aodang nisung asem apu.
Par asemji Motihari, Bihar nungi Ramadhar Sah, Nagaon, Assam nungi Shoid Ahmed aser Sobir Ahmed na ta jangjaogo.

You must be logged in to post a comment Login