Kohima nung yi shibelener 2 apu

Dimapur, August 26 (TYO) : August 26, 2015 nü DEF Kohima nungi District Intelligence Branch-i BSF Camp kübok aliba Dzii ayong anasa ajungbena garitem mita reprangdang Maruti Alto gari ka nung yi bena aliba apu.

Maruti Alto (B/R No NL01T/7696) nungji MC Rum bottle 144 aser canned Kingfisher beer 96 bena liasü, ta Sub-Divisional Police Officer & PRO Kohima-i sangdong ka nung metetdaktsü.

Iba dak sendkba nung Thenyizu yimer Keyho Theyo’er jabaso Vevosa Theyo aser Vechuzo Nakhro’er jabaso Thivo Nakhro na apu. Kohima North P.S nung tena anema ken o benokogo, ta Kohima Police-isa metetdaktsü.