Kohima nungi Kandinu NST service tenzüktsü

Kohima, Mongputeni, (October) 16 (Agencies): Tanü Divisional Manager Vikaho aser Station Superintendent NST Kohima Kevi Sekhose nati Kandinu nung Kohima nungi Kandinu tashi NST service lapoktsü.
Kandi Public Union-i Nagaland sorkar aser talisa Transport department dang parnok yariba atema pelaba metetdaktsü.
Parnokisa Transport Railways & Civil Aviation Minister Paiwang Konyak, Veterinary, Animals Husbandry & Women Development Advisor R.Khing, Secretary Transport Kenilo Apon aser Transport department dang kanga pelaba shisem.
Iba bus service ya October 18 nungi senzütsü. Anepdang 7:00 ako nung Kandinu nungi apusotsü aser nikongtsütsü 1:00 ako nung Kohima nungi meyipa aotsü.